Akar - Kubrakov oçraşuı

Türkiyä milli saqlanu ministrı Hulusi Akar Kayserida Ukraina asqorma ministrı Oleksandr Kubrakov belän oçraştı.

Oçraşuda Türkiyä ilbaşı Räcäp Tayyip Ärdoğan citäkçelegendä buldırılğan häm global’ azıq-tölek krizisın çişügä zur öleş kertkän aşlıq iniśiativası turında süz bardı.

Ministrlar xäzergä çaqlı 903 köymä belän 28,3 million tonna aşlıqnı moxtac illärgä qurqınıçsız kiterüne täêmin itkän iniśiativanıñ özleksez däwam itüe öçen yasalırğa tiyeşle adımnar turında fiker alıştılar.

Oçraşu barışında Türkiyä milli saqlanu ministru Hulusi Akar töbäktä tınıçlıq häm totrıqlılıq urnaştıru öçen tiz arada utnı tuqtatu iğ’lan itüneñ möhimlegen assızıqladı.

Ul Türkiyäneñ töbäktä tınıçlıq täêmin itügä häm gumanitar yärdäm kürsätügä üz öleşen kertüne däwam itäçägen äytte.