Ärdoğan cir teträwdän zıyan kürüçelär belän awız açtı
Ul afät töbäklärendä baruçı tözeleşlär turında mäğ'lümat citkerde
Türkiyä ilbaşı Räcäp Tayyip Ärdoğan cir teträwdän zıyan kürüçelärgä yaña toraq torğızu öçen nigezlärne tiz arada saluların belderde. Tözelä başlağan bina häm awıl öye sanı 100 meñgä citkän.
İlbaşı Kocaäli kongress üzägendä cir teträwdän zıyan kürüçelär belän bergä awız açtı. Anda Ärdoğan çığış yasap Ramazan ayı belän täbrik itte häm bolay bergä cıyılularnıñ aradağı küñel bağlanışların tağın da köçäytüen äytte. Ul bıyıl ramazanda cir teträwdän zıyan kürüçelär belän awız açarğa tırışuın da belderde.
“Afät töbägendä yortlarğa tiz arada nigez salabız. Kiçägegä qadär tözeleş prośessı başlanğan bina häm awıl öye sanı 100 meñ buldı. Bäyrämdä dä cir teträwdän zıyan kürüçelärne yalğız qaldırmayaçaqbız. Tözelep betkän qayber awıl öylären tapşıraçaqbız. Afättä yortı cimerelgän, yaqının yuğaltqan, könküreşe bozılğan qardäşlärebez bu êşçänleklärne kürgäç, tormışların qabat başlaw köçe ala,”-dip söyläde iftarda Türkiyä ilbaşı Räcäp Tayyip Ärdoğan.
