Türkiyä Daniyadäge höcümnärne lägnätläde

Tışqı êşlär ministrlığınnan yasalğan açıqlawda: “Daniyadä tağın ber tapqır izge kitabıbız Qorän’-i Kärimgä häm bayrağıbızğa qarşı oyıştırılğan bu tübän höcümne lägnätlibez. Barlıq kisätülärebezgä qaramastan bu çirqanıç höcümnärgä süz irege bularaq röxsät birüne qabul itep bulmıy,” – dip äytelde.

Mäs’älä belän bäyle bularaq Türkiyä totışınıñ Daniyaneñ Änkaradağı ilçesenä citkerelüe urın alğan açıqlawda bolay diyelä: “Awrupada soñğı waqıtta borçu tudıruçı räweştä artqan İslam häm çit il keşelärenä qarata doşmanlıqnıñ tögäl ürnäge bulğan bu tübän höcümgä häm oxşaş näfrät cinayät’lärenä qarşı küp yaqlı platformalarda häm ike yaqlı ölkädäge kereşülärebez hiçşiksez däwam itäçäk.”

Açıqlawda Daniyaneñ bu mäs’älädäge vayımsız totışınıñ dön’yadağı barlıq möselmannarnıñ reakŝiyasenä säbäpçe buluı häm milliardlarça keşeneñ tınıçsız buluınıñ iğtibarğa alınmawı citkerelde.

Açıqlawda şulay uq Ramazan ayında däwam itüçe mondıy provokaŝiyalärneñ buldırılmawı häm qabatlanmawı öçen çaralarnı kürü taläbeneñ qabatlanuı belderelde.

Kiçä Daniyadä Türkiyäneñ Kopengagendağı ilçelege aldında Türkiyä bayrağı häm Qorän’-i Kärimgä höcüm oyıştırıldı.

Höcümnär Daniyadä 24 häm 31 martta da bulğan ide.