İstanbul aêroportında yulçı sanı arttı

İstanbul aêroportın yılnıñ berençe 3 ayında 16 million 403 meñ yulçı qullandı. Bu xaqta İstanbul aêroportı operatorı İGAnıñ idaräçese Kadri Samsunlı sośial’ media akkauntı aşa citkerde. Anda äytelgänçä, uzğan yılnıñ berençe 3 ayında aêroportnı 11 million 371 meñ yulçı qullanğan. Bıyıl isä şul uq çorda älege kürsätkeç  - 16 million 403 meñ.

Tabliśağa qarağanda, 2022nçe yılnıñ ğıynvarında İstanbul aêroportı aşa 3 million 466 meñ yulçı kiçkän. Fevral’dä bu san 3 million 549 meñ bula häm martta – 4 million 355 meñ. Bıyılğı kürsätkeçlärgä küz salsaq, ğıynvarda İstanbul aêroportındağı yulçı sanı 63%qa artqan häm 5 million 637 meñ täşkil itkän. Fevral’dä isä 42%qa kübäyep 5 million 24 meñ häm martta 32% üseş belän 5 million 742 meñ yulçı bulğan.