Ärdoğan Änkarada üzeneñ saylaw bäyannamäsen iğ’lan itte

İlbaşı Ärdoğan ileneñ kiläçäkkä plannarın añlatu öçen arenağa kergändä anı xakimiyättäge “Ğadellek häm üseş” partiyäse tarafdarları bik şatlanıp qarşı aldılar.

Ärdoğan çığışınıñ başında cir teträwlär, Kovid-19, başqa krizislar häm “Ğadellek häm üseş” partiyäseneñ alar belän niçek köräşüe turında söyläde.

“Bu global’ sälamätlek saqlaw häm idarä krizisınıñ ayanıç näticälärgä kiterergä mömkin täêsirlären berdämlek häm yärdämläşü belän ciñdek.

Şulay uq soñğı afätkä kürä çağıştırmaça çiklängän mäydannarda kiçergän cir teträw, yanğın, su basu kebek fäläkätlärneñ yaralarınmillätebez belän bergä bik tiz däwaladıq”,- dide Türkiyä ilbaşı Räcäp Tayyip Ärdoğan.  

Cir teträw yaraların däwalaw,torğızu êşläre möğayen, Ärdoğannıñ saylaw kampaniyäseneñ töp temalarınıñ berse bulaçaq.

İlbaşı üze dä şulay buluın teläwen äytä.

Saylawçılar möğayen tawış birgändä monı isäpkä alırlar.

Ärdoğan şulay uq suğışqa qaramastan Ukrainanıñ azıq-tölek êksportın däwam itü häm dön’ya külämendä azıq-tölek bäyälären kimetü maqsatınnan uzğan yıl Ukraina häm Rusiya belän imzalanğan aşlıq kileşüe turında da söyläde.

Ärdoğan äytüençä, bu kileşü Türkiyäneñ xalıqara problemalarnı çişügä üzennän niçek uñay öleş kertä aluınıñ açıq misalı.

“Bez Rusiya - Ukraina suğışında ike yaq belän dä söyläşä alabız, aşlıq koridorı häm totqın almaşu kebek konkret alğarışlar yasıy alabız, tınıçlıq mömkinlegen östäl artında söyläşüne saqlap qala alabız. Şuña kürä Liviyädän Qarabaxqa qadär küp cirlärdä böten dön’ya küzätkän ğadelsezleklärne tözätü öçen waqıyğa urınnarına barıp näticälärgä ireşä alabız” ,- dide Türkiyä ilbaşı Räcäp Tayyip Ärdoğan.  

Ärdoğanğa stadionda kürsätelgän yaqlaw xökümäteneñ ildäge qazanışları turında söylägän çığışınıñ axırında bik açıq kürende.

Läkin bu qarar tizdän bu arenadan çittä qalğannarğa da bäyle bulaçaq.

Türkiyädäge saylawlarğa 1 aydan artıq waqıt bar.

İlbaşı açıqlağan vizionı belän qabat saylanırğa ömetlänä.

Türkiyäneñ qararı 14 nçe mayda bilgele bulaçaq.

Êndryu Xopkins, TRT World, Änkara.