Türkiyä Tön’yaq Kipr Törek Cömhüriyäteneñ belderüen yaqladı
Türkiyä Tön’yaq Kipr Törek Cömhüriyäteneñ “Amerika Quşma Ştatlarınıñ höcüm su astı köymäsen Kön’yaq Kipr grek idaräseneñ portına urnaştıruı häm Kön’yaq Kiprnıñ qorallanu êşçänlege” mäs’äläsendäge belderüen yaqlawın citkerde
Türkiyä tışqı êşlär ministrlığınnan yasalğan yazmaça belderüdä Tön’yaq Kipr Törek Cömhüriyäte belän dä berniçä tapqır basım yasalğanı kebek Amerika Quşma Ştatlarınıñ Kipr utrawındağı tigezlekne bozu isäbenä yasağan häm Kön’yaq Kipr grek idaräsen qoralllanuğa täşviq itüçe adımnarnıñ töbäk totrıqlılığına häm Kipr mäs’äläseneñ ğadel, totrıqlı häm daimi çişeleşenä berniçek tä öleş kertmäwe äytelde.
Ayıruça Tön’yaq Kipr Törek Cömhüriyäteneñ “AQŞqa bäyle “USS San Juan” su astı köymäseneñ Kön’yaq Kipr grek idaräseneñ portlarınnan bersendä tuqtawı häm Kön’yaq Kipr grek idaräseneñ qorallanu êşçänlege” mäs’äläsendä yasağan belderüeneñ xuplanuına basım yasalıp:
"AQŞnı tağın ber qat şuşı säyäsäten küzdän kiçerergä çaqırabız, ilebezneñ här şartlarda garant ilneñ cawaplılığı qısalarında Tön’yaq Kipr Törek Cömhüriyäteneñ xoquqların häm mänfäğätlären saqlarğa däwam itäçägebezne xäterlätergä telibez,” – dip iskärtelep uzıldı.
