Cirteträw töbägendä urnaştırılğan çatır häm konteyner şähärçeklär
6nçı fevral’da barlıqqa kilgän Kahramanmaraş êpiśentrlı cirteträwlärdän zıyan kürgän töbäklärdä 345 çatır şähärçek häm 305 konteyner şähärçek tözelde
Türkiyä êçke êşlär ministrlığı zilzilä töbägendä alıp barılğan êşçänlekneñ mart ayına qağılışlı mäğ’lümatlär belän urtaqlaştı.
Şuşı mäğ’lümatlärgä kürä, cirteträwdän zıyan kürgän 8 vilayättä 345 çatır şähärçektä tuplam 656 meñ 553 çatır qorıldı. Çatırlarda qaluçı keşe sanı isä 2 million 626 meñ 212 buldı.
305 konteyner şähärçek urnaşqan 10 vilayättä isä salınuı planlaştırılğan 132 meñ 447 konteynerdän 49 meñ 202seneñ tämamlanuı, ayıruça 17 meñ 541 urtaq bädräf häm 8 meñ 259 urtaq duşnıñ xezmät kürsätä başlawı, konteynerdä yäşäwçe keşe sanınıñ 78 meñ 718 buluı iskärtelep uzıldı.
Başqa urınnardağı cirteträwdän zıyan kürüçelär belän bergä tuplam toraq xezmäte kürsätelgän keşe sanınıñ 2 million 796 meñ 589 buluı belderelde.
Zilzilä töbägendä xäzerge waqıtta aktiv wazıyfa başqaruçı personal sanınıñ isä 191 meñ 498 buluı citkerelde.
Töbäktän êvakuaśiyälängän keşe sanınıñ isä 1 million 549 meñ 344 buluı açıqlandı.
