Akar: “Çik buyınnan qanunsız kiçülärgä yul quyılmıy”
Milli saqlanu ministrı Hulusi Akar Türkiyä çiklärennän qanunsız kiçülärneñ buluı turındağı raslawlarnıñ çınbarlıqnı çağıldırmawın belderde
Akar 6nçı fevral’da barlıqqa kilgän Kahramanmaraş êpiśentrlı cirteträwlärdän zıyan kürgän Hataydağı êşçänlegen däwam itterä.
Qırıqxan ilçäsendä cirteträwdän zıyan kürüçelär belän oçraşqan Akar törek xärbiläreneñ zilzilä töbägendäge çaraları belän ber rättän böten êşçänlegen, şul isäptän çik buyı qurqınıçsızlığın häm terrorçılıqqa qarşı köräşen özleksez däwam itüenä basım yasadı.
Çik buyı iminlegenä qağılışlı çaralarğa tuqtalıp uzuçı Akar: "Törek xärbiläre, iñ aldınğı texnologiyanı qullanıp, çik buyınnan qanunsız kiçülärgä hiç yul quymıy,” – dip äytte.
Ministr Akar, soñğı waqıtlarda bigräk tä sośial’ media aşa taratılğan häm çik buylarında töşerelüe alğa sörelgän sürätlärgä dä tuqtalıp uzıp:
"Başqa illärdä häm törle waqıtlarda töşerelgän fotosürätlärne häm videoyazmalarnı qullanıp, qayber añlatmalar urnaştırıla, säyäsi isäplär yasala. Bolar qatğıy räweştä yalğış, döres tügel. Törek xärbiläre 7 kön 24 säğät buyı, iñ aldınğı texnlogiyanı qullanıp, çik buylarıbıznıñ qurqınıçsızlığın täêmin itü öçen zur täwäkkällek häm fidaqärlek belän êşçänlegen başqara. Törek xärbiläre teläsä qaysı ber räweştä çik buylarıbızdan qanunsız kiçülärgä hiç yul quymıy,” – dide.
6nçı fevral’ cirteträwlärennän soñ "Türkiyägä sıyınuçı ağımınıñ buluı” raslawlarınıñ alğa sörelüen xäterlätüçe Akar bu gäyıpläwlärneñ tulısınça yalğan buluın häm döreslekkä turı kilmäwen belderde.
