Aşlıq koridorı kileşüeneñ waqıtı bügen tula

Türkiyä milli saqlanu ministrı Xulusi Akar aşlıq koridorı mäs’äläsendä Rusiyä häm Ukraina belän söyläşülärneñ däwam itüen belderde. Anıñ citäkçelegendä xärbi citäkçelärneñ videokiñäşmäse ütte.

Xulusi Akar anda 2022nçe yılnıñ 24nçe fevralendä başlanğan Rusiyä-Ukraina suğışı säbäple barlıqqa kilgän “azıq-tölek krizisı”n beterü öçen Türkiyä tırışlığı belän oyıştırılğan “aşlıq koridorı” programmasına qarata bäyälämälären citkerde.

“Waqıt tula. Monıñ qabat oxşaş, başlangıç şartlarğa iyä däwamı mäs’äläsendä Rusiyä häm Ukraina belän yazışular, söyläşülär däwam itä,”-dide Xulusi Akar.

Ministr regionda solıx tözelü, qan ağunıñ tuqtatıluı telägen äytep, bu mäs’älädä ilbaşı Räcäp Tayyip Ärdoğan häm ministrlarnıñ söyläşülärne däwam itüen, telägän näticägä ireşü öçen tırışuların citkerde.

Türkiyä, Ukraina, Rusiyä häm Berläşkän Millätlär Oyışması arasında 22nçe iyül’dä İstanbulda imzalanğan Aşlıq koridorı kileşüeneñ waqıtı bügen (18nçe martta) tula. Anı ozınaytu öçen söyläşülär bara.