Türkiyä tışqı êşlär ministrlığınıñ Qırım belderüe
Türkiyä Ukrainağa bäyle Qırımnıñ qanunsız anneksiyäsen tanımawın häm Ukrainanıñ suverenlığı belän cir bötenlegenä kürsätkän yaqlawın rasladı
Türkiyä tışqı êşlär ministrlığı Qırımnıñ qanunsız anneksiyasınıñ 9 yıllığı mönäsäbäte belän yazmaça belderü yasadı.
Belderüdä Ukrainağa bäyle Qırım üzidaräle cömhüriyäteneñ Rusiyä tarafınnan 9 yıl êlek 16nçı martta oyıştırılğan legitim bulmağan referendum belän xalıqara xoquqqa tiskäre räweştä anneksiyälänelüe äytelde.
Belderüdä: “Anneksiyanıñ yıllığı mönäsäbäte belän bu torışnı tanımawıbıznı qabatlıybız, Ukrainanıñ suverenlığına häm cir bötenlegenä kürsätkän yaqlawıbıznı raslıybız. Qırımnıñ cirle xalqı bulğan qırım tatar törkiläreneñ wazğıyäte ilebez öçen härwaqıt prioritet. Türkiyä qırım tatar qawemdäşlärebezgä tarixi watannarı Qırımda milli üzañnarın saqlap, iminlek häm xozur êçendä yäşäwläreneñ täêmin itelüenä yärdäm itüen däwam itäçäk,” – dip basım yasaldı.
Rusiyä 2014nçe yılnıñ 16nçı mart könne oyıştırılğan legitim bulmağan referendum belän Ukrainağa bäyle Qırım üzidaräle cömhüriyäten üz cirlärenä quşqan ide.
