Türkiyä İlbaşı idaräse süzçese Qalın AQŞ senatorları belän küreşte

Söyläşü waqıtında Türkiyä häm Amerika Quşma Ştatları belän mönäsäbätlärneñ strategik ähämiyäte bäyälände.

İbrahim Qalın oçraşuları qısalarında AQŞ Kongress binasında “Demokrat” häm “Cömhüriyätçe” partiyalarğa äğ’za senatorlar belän küreşte.

Tulı wäqalätle ilçe Qalın uzğan iyül’ ayında üze belän İstanbulda küreşep söyläşkän Ğadälät komitetınıñ olı äğ’zase senator Lindsay Graham belän dä Kongresstağı ofisına barıp oçraştı.

Oçraşu waqıtında ike il arasındağı mönäsäbätlär belän bergä Türkiyädäge cirteträwlärdän soñ torğızu häm yañadan tözü barışı, saqlanu sänäğäte ölkäsendäge xezmättäşlek aldındağı kirtälärneñ beterelüe mäs’äläläre bäyälände.

Söyläşü waqıtında ayıruça terrorçılıq belän köräş ölkäsendä xezmättäşlek, Şveśiya belän Finlyandiyanıñ NATOğa äğ’zalek prośesları, Rusiyä-Ukraina suğışınıñ barışı, aşlıq cibärü kileşüeneñ ozaytıluında Türkiyäneñ role häm başqa regional’ mäs’älälär quzğatıldı.