Paqıstannan Adanağa 10nçı oçqıç kilep citte

Kaxramanmaraşta 6nçı fevral’dä bulğan cir teträwlärdän soñ alıp barıluçı êşçänleklärgä yärdäm maqsatınnan Paqıstannan cibärelgän gumanitar yärdämne kiterüçe oçqıç Adana şähärenä töşep utırdı.

Paqıstan xökümäte tarafınnan  “maxsus oçış operaśiyäse” qısalarında cibärelgän 1200 çatır taşuçı tuğızınçı oçqıçnıñ tönge säğat’lärdä ilgä kilep citüennän soñ şul uq külämdä çatır kiterüçe unınçı oçqıç Laxor şähärennän kütärelgän ide. İrtänge yaqta ul Adana aêroportına töşep utırdı.

Gumanitar yärdäm taşu öçen ike däwlät arasında buldırılğan hawa küpere aşa kilgän azaqqı oçqıç belän bergä tulayım 12 meñ 200 çatırnı Türkiyägä tapşıru tögällände. Alar qış şartları häm yanğınğa qarşı toruçan.

Paqıstannıñ Karaçi portınnan quzğalğan 3 korabnıñ da bu ayda Märsingä kilep citüe kötelä.

Monnan tış, Paqıstan hawa yullarınıñ İstanbulğa yasaluçı säfärlärendä dä buş urınnarğa yärdäm töyäp cibärelä.