Akar: “Aşlıq koridorı söyläşüläre däwam itä”

Hulusi Akar Törkiyä Böyek Millät Mäclesendä könüzäk mäs’älälär turında belderü yasadı.

Aşlıq koridorınıñ 120 köngä ozaytıluı taläbe belän Rusiyä häm Ukraina belän söyläşülärgä başlanuı mäğ’lümaten citkerüçe ministr Akar ministrlar däräcäsendä söyläşülärneñ ütkärelüen belderde.

Akar: "Moña xätle küp sanda köymä aşlıqnı häm başqa aşamlıqlarnı taşıdı. 24 million tonnadan kübräk miqdar turında süz alıp barabız. Häm töbäk häm dönya tınıçlığına häm bäyälärgä bik citdi öleşläre buldı. Däwamı çınnan da bik möhim. 2 ay urınına 120 kön buluı mäs’äläsendä söyläşülärebezne däwam itteräçäkbez,” – dip äytte.

Rusiyä häm Ukraina taraflarınıñ mäs’äläne bäyäläp qararların qabul itäçäklärenä basım yasawçı Akar: “Berläşkän Millätlär Oyışması da bezneñ kebek uylıy. İnşallah, aldıbızdağı könnärdä uñay räweştä xäl itärgä tırışaçaqbız,” – dip belderde.

Amerika Quşma Ştatlarınıñ keşesez hawa apparatı belän Rusiyä xärbi oçqıçınıñ Qara diñgez östendä bäreleşüe häm soñınnan apparatnıñ kilep töşüe belän bäyle soraw uñayınnan ministr Akar: "Waqıyğalarnı äñgämädäşlärebez Amerikalılar belän söyläşep, aqıllı häm mantıyqlı räweştä çişü mäs’äläsendä tırışlıq kürsätäbez. Waqıyğanı yaqınnan küzätäbez,” – dip äytte.