Çavuşoğlunıñ G20däge ike yaqlı oçraşuları
Türkiyä Tışqı êşlär ministrı Mäwlüt Çavuşoğlu G20 tışqı êşlär ministrları cıyılışı öçen kitkän Hindstan başqalası Yaña Dählidä küp sanda wazıyfadaşı belän küreşep söyläşte
Tışqı êşlär ministrı Çavuşoğlu G20 tışqı êşlär ministrları cıyılışı waqıtında Berläşkän Ğaräp Ämirlekläre tışqı êşlär häm xalıqara xezmättäşlek ministrı Abdullah bin Zayid Al Nahyan häm İspaniya tışqı êşlär, Awrupa Berlege häm xezmättäşlek ministrı Jose Manuel Albares, Şri-Lanka tışqı êşlär ministrı Ali Sabry, Braziliya tışqı êşlär ministrı Mauro Vieira häm Xorvatiya tışqı êşlär ministrı Gordan Grlic-Radman belän ayırım-ayırım küreşte.
İke yaqlı söyläşüläre turında “Twitter” akkauntınnan yazma belän urtaqlaşuçı Çavuşoğlu: "Berläşkän Ğaräp Ämirlekläre tışqı êşlär ministrı Zayed belän iq’tisadi xezmättäşlek belän bergä mönäsäbätlärebezne söyläştek,” – dip äytte.
Çavuşoğlu İspaniya tışqı êşlär ministrı Albares belän NATO kiñäyüe häm Ukrainadağı wazğıyätne quzğatuların citkerde.
Şri-Lanka tışqı êşlär ministrı Ali Sabry belän söyläşüe waqıtında transport xezmättäşlegenä tuqtalıp uzuların belderüçe Çavuşoğlu Braziliya tışqı êşlär ministrı Vieira belän dä regional’ mäs’älälärne söyläşülären äytte.
Çavuşoğlu Xorvatiya tışqı êşlär ministrı Grlic-Radman belän Balkandağı soñğı wazğıyätne tikşerülären iskärtep uzdı.
Ministr Çavuşoğlu Berläşkän Ğaräp Ämirlekläre, Braziliya, Şri-Lanka, İspaniya häm Xorvatiyalı wazıyfadaşlarına Kahramanmaraş êpiśentrlı cirteträwlärdä kürsätkän yärdäm öçen räxmät äytte.
