Çavuşoğlu Lavrov häm Jaishankar belän küreşte
Türkiyä Tışqı êşlär ministrı Mäwlüt Çavuşoğlu Rusiyä tışqı êşlär ministrı Sergey Lavrov belän küreşte
Ministr Çavuşoğlu “Twitter” akkauntınnan urtaqlaşqan yazmasında G20 qısalarında Hindstan başqalası Yaña Dählidä Rusiyä wazıyfadaşı Lavrov belän küreşüen belderep: "Cirteträw yärdämnäre öçen qabat räxmät äyttek. Töbägebezdäge soñğı täräqqıyätlärne qarap çıqtıq,” – dide.
Tışqı êşlär ministrı Çavuşoğlu Hindstan tışqı êşlär ministrı Subrahmanyam Jaishankar belän dä küreşep söyläşkän ide.
Çavuşoğlu: "G20 tışqı êşlär ministrları cıyılışı öçen kilgän Yaña Dählidä berençe oçraşuımnı hind wazıyfadaşım belän ütkärdem. Dus operaśiyası iseme belän ilebezgä kürsätkän yärdämnäre öçen räxmät belderdek,” – dip bilgeläp uzğan ide.
Çavuşoğlu G20 Hindstannıñ çirattağı räislege qısalarında 1-2nçe mart könnärendä Yaña Dählidä oyıştırılğan G20 tışqı êşlär ministrları cıyılışında qatnaşa.
Cıyılışta humanitar yärdämnär häm afät yärdämnäre, azıq-tölek häm ênergiya qurqınıçsızlığı, terrorçılıq belän köräş, küp’yaqlılıqnı nığıtu häm üseş xezmättäşlege belän bergä global’ kön tärtibendäge könüzäk mäs’älälärdä fiker alışu küzdä totıla.