Misır tışqı êşlär ministrı Türkiyägä kilä
Misırdan Türkiyägä 10 yıl aradan soñ berençe yuğarı däräcäle säfär
1951949
Misır tışqı êşlär ministrı Sameh Şukri bügen Türkiyägä säfär qıla.
Tışqı êşlär ministrlığınnan yasalğan belderüdä: "Misır tışqı êşlär ministrı Sameh Şukri Kahramanmaraş êpiśentrlı cirteträwlärdän soñ teläktäşlek kürsätü häm qayğı belän urtaqlaşu maqsatınnan çığıp 2023nçe yılnıñ 27nçe fevral’ könne Türkiyägä säfär yasayaçaq,” – dip äytelde.
Şukrineñ Adanağa baruı häm Misırğa bäyle yärdäm köymäse kilep citäçäk Mersin portın barıp kürüe häm Tışqı êşlär ministrı Mäwlüt Çavuşoğlu belän ike yaqlı söyläşü ütkärüe kötelä.
Misır tışqı êşlär ministrlığı da Türkiyägä häm Süriyägä yasalaçaq säfär maqsatınıñ cirteträwdän soñ ike il häm qardäş xalıqlar belän teläktäşlek kürsätü buluın belderde.
