Greśiyä tışqı êşlär ministrı Türkiyägä teräk bulırğa çaqırdı

Greśiyä tışqı êşlär ministrı Nikos Dendias Awrupa Berlegeneñ Türkiyägä teräk bulırğa tiyeşlegen belderde. Ul Bel’giyä başqalası Brüssel’dä Awrupa Berlege tışqı êşlär ministrlarınıñ cıyılışında qatnaştı häm işek töbendä cıyılğan jurnalistlarğa utırışta Ukrainadağı suğış, Äfğanstanda xatın-qızlarnıñ xoquqsızlığı, klimat krizisı häm êkologiyä problemaları şikelle temalarnıñ kütäreläçägen söyläde.

Nikos Dendias wazıyfadaşlarına Türkiyägä säfäre turında da citkeräçägen äytte.”Monnan tış, ministrlar belän Türkiyä häm Süriyädäge cir teträwdän zıyan kürüçelärgä niçek bulışa alabız – anı da söyläşü mömkinlegem bulaçaq. Monı özgälänep äytäm: berençe tapqır kürelüçe, bik zur afät bu. Bik zur yärdäm häm teräk kiräk,”-dip söyläde ul.  

Dendias cir teträwdän soñ Xatayğa häm Adanağa bardı, Türkiyä tışqı êşlär ministrı Mäwlet Çavuşoğlu belän oçraştı.

6nçı fevral’dä märkäze Kaxramanmaraşta bulğan 7,7 häm 7,6 ball zurlığındağı cir teträwlärdä meñnärçä keşeneñ ğomere özelde.