Çavuşoğlu qırım tatarlarınıñ liderı Qırımoğlu belän oçraştı
Türkiyä Tışqı êşlär ministrı Mäwlüt Çavuşoğlu Kahramanmaraş êpiśentrlı cirteträwlärdän soñ başqala Änkarağa kilgän qırım tatarlarınıñ liderı Mostafa Qırımoğlu belän küreşte
1949476
Çavuşoğlu “Twitter” akkauntınnan urtaqlaşqan yazmasında qırım tatar törkiläreneñ liderı häm Ukraina xalıq ışanıçlısı Qırımoğlu belän oçraşuın belderde.
Ministr Çavuşoğlu: "Cirteträw fäläqätennän soñ Änkarağa kilgän qırım tatar törkiläreneñ liderı häm Ukraina xalıq ışanıçlısı Mostafa Qırımoğluna häm böten qırım tatar törkilärenä awır könnärebezdä bezneñ belän bergä bulğannarı öçen räxmät belderdek,” – dip äytte.
Mäwlüt Çavuşoğlu Azärbaycan tışqı êşlär ministrı Cäyhun Bäyrämov belän dä kiçä Hataynıñ Däfnä ilçäse (rayonı) êpiśentrlı 6,4 zurlığındağı cirteträwdän soñ telefonnan söyläşkän ide.
Söyläşü waqıtında Türkiyädäge cirteträwlärneñ näticäläreneñ beterelüe häm tözekländerü plannarı quzğatılğan ide.
