"Törek xalqı şunı belsen - AQŞ alar yanında"

Amerika Quşma Ştatları däwlät särqatibe Êntoni Blinken Türkiyägä säfäre qısalarında cir teträw töbägendä buldı.

Ul Adanada 10 nçı tanker bazasına kilde häm biredä yasağan çığışında ildäge cir teträwlardän soñ Türkiyä xalqı belän bergä buluların belderde.

Blinken cir teträwlärdän soñ AQŞ häm başqa illärneñ şunduq êşkä kereşüen äytte.

“Ber kön êçendä biredä yaqınça 200 keşe, êtlär häm belgeçlärdän torğan êzläw-qotqaru törkemnäre buldırdıq. Cir teträwdän berniçä kön êçendä su, azıq-tölek,darular,sıyınu häm kiyem-salım öçen yaqınça 85 million dollar yärdäm küçerelde. Bügen moxtaclarğa bulışu öçen tağın 100 million dollar cibäreläçäk. Bez Türkiyägä yärdäm itüdä qatğıy. Dön’yanıñ küp illäre şulay êşli. Moña ireşü öçen ğayät’ zur berdämlek häm täwäkkällek bar”,- dide Êntoni Blinken.

Blinken Berläşkän Millätlär Oyışmasınıñ Türkiyädä cir teträwlärdän zıyan kürüçelär öçen 1 milliard dollarlıq gumanitar yärdäm sorawın xäterlätte.  

”Xäzerge waqıtta AQŞ 185 million dollar yärdäm kürsätte, monnan soñ närsä êşli alırbız, alar turında uylayaçaqbız. Başqa illär dä bu yünäleştä adımnar yasıylar, läkin bu çaqıruğa quşılu bik aşığıç. Bez östämä çığanaqlarğa qarap başqalarnı da moña täşwiq’ itäçäkbez. Tükiyädäge cir teträwlärdän zıyan kürüçelär öçen qulıbızdan kllgänneñ barısın da êşläyäçäkbez. Törek xalqı şunı belsen - AQŞ alar yanında. Bu awırlıqlarnı ciñep çığu öçen küpme waqıt kiräk bulsa, şul xätle alar yanında bulaçaq” dide Amerika Quşma Ştatları däwlät särqatibe Êntoni Blinken.