Türkiyädä cirteträwlär: sannar
6nçı fevral’da Kahramanmaraşta barlıqqa kilgän häm 11 vilayättä täêsirle bulğan 7,7 häm 7,6 zurlığındağı cirteträwlärdä häläq buluçılar 38 meñ 44kä citte
1947542
AFAD Afät häm ğadättän tış xällär idaräse räislege cirteträwlär arqasında 38 meñ 44 keşeneñ häläq buluın, 108 meñ 68 keşeneñ isä yaralanuın belderde.
Töbäktä cimereklär astında êzläw-qotqaru êşläre däwam itä.
Türkiyä Tışqı êşlär ministrlığı da “Twitter” akkauntınnan urtaqlaşqan yazmasında çit illärdän zilzilä töbäklärenä kilgän êzläw, qotqaru häm yärdäm törkemnäreneñ soñğı wazğıyäte turında mäğ’lümat birde.
Yazmada 101 ilneñ yärdäm täq’dimen yasawı, 66 ilneñ cibärgän êzläw-qotqaru törkemnäreneñ afät cirlegendä buluı belderelde.
Fäläqät cirlegendä 5 meñ 654 çit il personalınıñ wazıyfasın başqaruı citkerelgän yazmada törkemnären cibärüe kötelgän il sanınıñ 2, kiläçäk çit il personalı sanınıñ isä 455 buluı äytelde.
