Paqıstan prem’yer - ministrı Adıyamanda buldı
Şahbaz Şärif biredä Paqıstannan kiterelgän yärdämne Türkiyä wäqalätlelärenä tapşırdı
Paqıstan prem’yer - ministrı Şahbaz Şärif Türkiyädäge cir teträwlärdän soñ Türkiyägä kilde häm Adıyamanda buldı.
Oçqıç belän Adıyaman aêroportına kilgän Şärifne Türkiyä transport häm asqorma ministrı Adil Karaismailoğlu belän säwdä ministrı Mäxmät Muş qarşı aldı.
Şahbaz Şärif biredä Paqıstannan kiterelgän yärdämne Türkiyä wäqalätlelärenä tapşırdı.
Ul Adıyamandağı Paqıstan êzläw - qotqaru törkemnäreneñ êşen tikşerde häm Paqıstan törkeme qotqarğan ğailälär belän oçraştı.
Şahbaz Şärif Türkiyä ministrları Karaismailoğlu häm Muştan cir teträwlär xaqında mäğ’lümat aldı.
”Bez Türkiyä belän ğailä kebek. Türkiyä belän Paqıstan ber yöräktäge ike can, ike millät”,- dide Paqıstan prem’yer-ministrı.
Şärif bilgeläp uzğança, Paqıstan Türkiyägä qotqaru häm mediśina törkemnäre, şulay uq qışlıq çatırlar, odeyallar häm başqa kiräk - yaraqlar cibärde.
“Min şähärdäge cimerelüne kürdem. Yortlar, êş urınnarı barısı da cimerelgän. İlbaşı Räcäp Tayyip Ärdoğan häm xökümäteneñ, qıyu törek xalqınıñ bu krizisnı, bu awırlıqlarnı ciñep çığaçağına ışanam”,- dide Paqıstan prem’yer-ministrı Şahbaz Şärif.
