Guterreş: “Törek xalqına yärdäm itü waqıtı citte”
Guterreş: "Türkiyä - iñ küp sıyınuçını qabul itkän il. Bu yulı törek xalqınıñ üzenä yärdäm itü waqıtı citte"
Berläşkän Millätlär Oyışması Türkiyädäge cirteträwdän zıyan kürüçelär öçen 1 milliard dollar humanitar yärdäm çaqıruın yasadı.
BMO Ğomum särkätibe Antonio Guterreş mäs’älä belän bäyle bularaq yasağan yazmaça belderüendä ğasırnıñ iñ zur zilziläsennän täêsirlängän törek xalqı öçen humanitar yärdäm çaqıruın yasadı.
Finanslawnıñ öç aylıq waqıtqa cäyıläçägen belderüçe Guterreş bigräk tä azıq-tölek, iminlek, mäğarif, su häm toraq öçen 5 million 200 meñ keşegä yärdäm täêmin iteläçägen iskärtep uzdı.
Guterreş: "Türkiyä - iñ küp sıyınuçını qabul itkän il häm Süriyäle kürşelärenä qarata yıllar buyı zur yumartlıq êşli,” – dip äytte.
Dön’yanıñ da yärdäm sorawçılar belän teläktäşlek kürsätkän törek xalqına yärdäm itü waqıtınıñ citüenä basım yasawçı Guterreş: "Bügen BMO ğasırnıñ iñ zur zilziläsenä duçar bulğan törek xalqı öçen 1 milliard dollarlıq humanitar yärdäm çaqıruın başlata,” – dip belderde.
