Çavuşoğlu häm Tinoka matbuğat oçraşuı

Tışqı êşlär ministrı Mäwlüt Çavuşoğlu 6nçı fevral’da barlıqqa kilgän häm “ğasırnıñ fäläqäte” dip bäyälängän, 11 vilayättä täêsirle bulğan Kahramanmaraş êpiśentrlı 7,7 häm 7,6 zurlığındağı cirteträwlär arqasında Türkiyä belän teläktäşlek kürsätkän Kosta-Rikağa räxmät belderde.

Mäwlüt Çavcuşoğlu Türkiyägä räsmi säfär belän kilgän Kosta-Rika tışqı êşlär ministrı Arnoldo Andre Tinoko belän başqala Änkarada oçraştı.

Ministr Çavuşoğlu Tinoko belän Tışqı êşlär ministrlığındağı söyläşüdän soñ oyıştırılğan urtaq matbuğat oçraşuında çığış yasadı.

Çavuşoğlu: "Wazıyfadaşım Arnoldo bügen teläktäşlek säfären yasıy. Üzlärenä häm üzläre isemennän Kosta-Rika däwlätenä häm xalqına şuşı barışta kürsätkän teläktäşlek häm yärdäm öçen räxmätemne citkeräm,” – dip äytte.

Yärdäm täq’dimen yasağan qalğan 101 ilgä dä räxmät äytüçe Türkiyä Tışqı êşlär ministrı, cirteträwlärdän täêsirlängän töbäklärdä aktiv bularaq êzläw-qotqaru êşçänlegen alıp baruçı il sanınıñ 74 häm personal sanınıñ 7 meñ 98 buluın belderep, 15 ildän 4 meñ 236 personalnıñ da wazıyfasın tögälläp illärenä qaytuın iskärtep uzdı.