İzrail ministrı: “Türkiyä häm törek xalqı belän teläktäşlek êçendä bez”

Koên häm Türkiyä Tışqı êşlär ministrı Mäwlüt Çavuşoğlu başqala Änkarada ütkärgän söyläşüdän soñ urtaq matbuğat oçraşuın oyıştırdı.

Säfäreneñ maqsatınıñ cirteträwlärdän soñ İzrailneñ Türkiyä belän teläktäşlegen kürsätü, şul uq waqıtta ike yaqlı mönäsäbätlärne qarap çığu buluın belderüçe Koên: "Bu mönäsäbätlär soñğı ber yıl êçendä çınnan da tağın da yaxşıraq däräcägä citte. İzrail xökümäte häm İzrail xalqı isemennän çın küñeldän qayğı belän urtaqlaşam häm yärdäm wäğ’dälärebezne citkerergä telim,” – dip äytte.

Koên, cirteträwlärdän täêsirlängän härkemgä yärdäm kürsätergä tırışaçaqların belderep: "Soñğı ğasırda yäşängän iñ zur fäläqätlärdän berse bu,” – dip iskärtep uzdı.

Humanitar yärdämneñ säyäsi hiçber çige bulmawına basım yasawçı Êli Koên:

"Türkiyä häm törek xalqı belän teläktäşlek êçendä buluıbıznı, şuşı awır könnärdä teläktäşlekkä däwam itäçägebezne tağın ber qat äytergä telim. Häm bez qulıbızdan kilgän härtörle yärdäm täêmin itep, moxtaclarğa barı tik xäzer genä tügel, kiläçäktä dä yärdäm itäçägebezne äytergä telim, çönki añlawımça problemalar çınnan da bik zur,” – dip bilgeläp uzdı.