İlbaşı cir teträw qorbannarınıñ sanın açıqladı

Türkiyä ilbaşı Räcäp Tayyip Ärdoğan cir teträwlär teması astında uzğan ministrlar şurası cıyılışınnan soñ belderülär yasadı.

Ul 6 nçı fevral’dä bulğan cir teträwlärdä ğomeren yuğaltqan keşe sanınıñ 35 meñ 418 gä citüen belderde.

İlbaşı äytüençä, zilzilälärdän cäräxätlänüçelär sanı isä – 105 meñ 505.

“Dön’yadağı barlıq belgeçlär ilebezdäge cir teträwlärne zurlığı, cimergeçlege yağınnan ğadäti bulmağan tabiği waqıyğa dip bäyäli”,- dide Ärdoğan.

İlbaşı bilgeläp uzğança, yaralanğan keşelärneñ 13 meñ 208e däwalana, cimerelgän 19 meñnän artıq binanıñ 15 meñendä êşçänleklär tämamlandı.

Türkiyä ilbaşı Ärdoğan cir teträwlär töbägendä yaqınça 250 meñ däwlät xezmätkäreneñ wazıyfa başqaruın äytte.

“Cimerelgän binalar astında qalğan soñğı watandaşıbıznı xäräbälärdän çığarğançı êşçänleklär däwam itäçäk”,- dide Türkiyä ilbaşı Räcäp Tayyip Ärdoğan.