Çavuşoğlu qayber wazıyfadaşları belän telefonnan söyläşte
Ministr Çavuşoğlu hälakät bulğan 6nçı fevral’dän birle 50dän artıq ildän qayğı urtaqlaşuı şaltıratuı aldı
Türkiyä tışqı êşlär ministrı Mäwlet Çavuşoğlu Kaxramanmaraştağı cir teträwlärdän soñ Azärbaycan, Törkmänstan häm İrlandiyädäge wazıyfadaşları belän telefonnan söyläşep regiondağı xäl häm yärdämnär turında fiker alıştı.
Ministrlıqtan belderülärençä, Çavuşoğlu Azärbaycan tışqı êşlär ministrı Cäyxun Bayramov häm Törekmänstan tışqı êşlär ministrı Raşid Märädov belän ayırım-ayırım telefonnan söyläşte. Ul İrlanidiyäneñ tışqı êşlär häm saqlanu ministrı Maykl Martin belän dä telefon aşa êlemtägä kerde.
Söyläşülärdä Kaxramanmaraşta bulğan 7,7 häm 7,6 ball zurlıqlarındağı cir teträwlärdän zıyan kürgän 10 töbäktäge wäzğıyät’ häm yärdämnär turında süz bardı.
Ministr Çavuşoğlu hälakät bulğan 6nçı fevral’dän birle 50dän artıq ildän qayğı urtaqlaşuı şaltıratuı aldı.