Qan birü noqtalarında ozın çiratlar

Kaxramanmaraşta bulğan häm 10 tobäkkä täêsir itkän cir teträwlärdän soñ qanğa ixtiyacnı qanäğat’länderü maqsatınnan Türkiyä külämendä qorılğan qan alu üzäklärenä keşe ağıldı.

Törek Qızılayı cämğıyäteneñ Änkara Bilkent şähär xastaxanäsendäge qan birü noqtasına kilgän watandaşlar ozın çiratlarda kötep tora.

İstanbulda da donor bulırğa teläwçelär bik küp. Cir teträwdän zarar kürüçelär öçen qan birü kampaniyäsendä meñnärçä keşe qatnaşa.

Ädirnädä isä Törek Qızıalyı qan alu üzäge 3 ayırım noqtada donorlar qabul itä. Ber täwlektä anda yaqınça 500 berämlek qan cıyılğan.

Kırklarelidä dä Törek Qızılayı 2 ayırım noqtada qan qabul itä. Qan birergä kilgän watandaşlar qayçaq zur çiratlar barlıqqa kiterä.

Tekirdağda 4 noqtada qan alalar.

Çanakkalädä isä Cömhüriyät mäydanında buldırılğan mobil’ stanśiyägä kilüçe bik küp keşe qan birü öçen möräcäğat’ itte.

Vanda da qan alu noqtalarına kilgän watandaşlar cir teträw töbägendä qan ixtiyacın qanäğat’länderü öçen öleş kertergä dip çiratqa tezelä.