Sośial’ mediada cir teträw turında yalğan mäğ'lümat ta küp

Türkiyä ilbaşı apparatı êlemtä idaräse başlığı Fäxrettin Altun sośial’ mediada cir teträw turında çığanağı raslanmağan, çınbarlıqqa turı kilmäwçe urtaqlaşularnıñ cinayät’ buluın äytep, watandaşlarnı döres mäğ’lümat alu öçen räsmi belderülärne küzätep barırğa çaqırdı.  

Ul Twitterdağı yazmasında cir teträwdän zıyan kürgän häm qotqarılunı kötüce watandaşlarğa tağın da tiz häm näticäle ireşü öçen här êlemtä texnologiyäsen döres qullanunıñ ähämiyäten assızıqladı.

Altun oyışqan räweştä êşlängän yalğan êçtälekle yazmalar yäisä bot akkauntlar yärdämendä yasalğan urtaqlaşularnıñ internet tirälegendäge dezinformaśiyäne zur tizlek belän arttıruına basım yasıy.

“Sośial’ mediada naçar niyätle keşelär tarafınnan yasalğan, çığanağı raslanmağan häm çınbarlıqqa turı kilmäwçe, xalıqnı yalğış fikergä êtärüçe mäğ’lümatnı taratu 5237nçe nomerlı Türkiyä cäza qanunı nigezendä cinayät’ sanala. Watandaşlarıbıznıñ älege mäğ’lümatlarnı iğ’tibarğa almıyça, döres xäbär öçen räsmi belderülärne küzätep baruları ähämiyätle,”-dip yaza Fäxrettin Altun.