Terrorğa qarşı köräş däwam itä
Äl-Babta “DEAŞ”nıñ 15 äğ’zası saq astına alındı, Vanda “PKK” separatist terror oyışmasına qarşı operaśiya başlandı
Süriyäneñ tön’yağındağı Äl-Babta “DEAŞ” terror oyışmasınıñ 15 äğ’zası saq astına alındı.
Äl-Bab cirle qurqınıçsızlıq köçläre belän Gaziantep jandarmeriya komandirlığı ilçädä “DEAŞ”qa operaśiya oyıştırdı.
Operaśiyädä 16 keşene, şul isäptän oyışma atamanın, êläkterdelär. Şikle keşelärdän 15en saq astına aldılar.
Şulay uq 4 mıltıq, 85 patron häm şaqtıy śifrlı materiallar qulğa töşerelde.
Vanda “PKK” separatist terror oyışmasına qarşı “Ärän qamalış köz/qış - 25” operaśiyäse başlandı.
Bu xaqta Türkiyä êçke êşlär ministrlığı xäbär itte.
Ministrlıq belderüendä äytelgänçä, operaśiyäneñ maqsatı – “PKK” terror oyışmasın il kön tärtibennän çığaru häm töbäkkä sıyınuı uylanılğan terrorçılarnı täêsirsez xälgä kiterü.
Operaśiyädä 480 personal qatnaşa.
Belderüdä “Ӓrӓn qamalış köz/qış” operaśiyäläreneñ xalıqnıñ da yärdäme belän qatğıy räweştä uñışlı däwam itüe citkerelä.