Rusiyä-Türkiyä-Süriyä liderları oçraşuı köteläme?

Türkiyä ilbaşı Räcäp Tayyip Ärdoğan Süriyä mäs’äläsen söyläşü öçen liderlar belän küreşäçäklären belderde. Ul başqala Änkarada AK partiyäneñ kiñäytelgän utırışında qatnaşıp çığış yasadı. Ärdoğan bügen irtän Rusiyä däwlät başlığı Vladimir Putin belän telefonnan söyläşüen xäterlätte häm anda Ukraina suğışın här yaqlap qarawların söyläde. Ul regionda ni êşli aluları turında fikerläşülären, monnan tış, Türkiyä belän Rusiyä mönäsäbätlären dä çittä qaldırmawların belderde.    

Süriyä mäs’äläsenä kilgändä, uzğan atnada Mäskäwdä Rusiyä-Türkiyä-Süriyä küzläw häm saqlanu ministrları oçraşa. Ärdoğan bu prośessnıñ däwamı bularaq tışqı êşlär ministrlarınıñ da bergä cıyılıp öç’yaqlı fiker alışacağın äytte. “Soñınnan, wäzğıyät’kä qarap, liderlar belän oçraşaçaqbız. Bezneñ borçuıbız regionda tınıçlıq häm ciñellekne täêmin itü, töbäktä solıx iğ’lan itü,”-di Türkiyä ilbaşı.