“Bügen bez Yaña yılnı ğına qarşı almıybız, cömhüriyätneñ yaña ğasırına ayaq basaçaq çorğa keräbez”

Türkiyä ilbaşı Räcäp Tayyip Ärdoğan üzeneñ sośial’ media akkauntında Yaña yıl belän qotladı häm uzıp baruçı 2022 nçe yılğa bäyä birde.

Ul 2022 nçe yılda şähärlärne yañartu, äylänä-tirä moxitne çistartu häm qalqıqlarsız tormış yünäleşlärendä zur uñışlarğa ireşelüen belderde.

İlbaşı bilgeläp uzğança, ildä cömhüriyät tarixındağı iñ zur sośial’ toraq xäräkäte başlandı, 20 meñ sośial’ toraq tözelde.

Ärdoğan bıyıl 100 meñ üsente utırtıluın, 49 millät baqçasınıñ qullanılışqa tapşırıluın, millät baqçalarınıñ ğomumi sanın 152 gä citkerülären häm 310 proyekt tözeleşeneñ äle däwam itüen assızıqladı.

Türkiyä ilbaşı klimat üzgäreşenä qarşı êmissiya kimetü maqsatın 2030 nçı yılğa qadär 41%qa arttıruların äytep uzdı.

Ardoğan 2022 nçe yılnıñ 11 ayında 231 milliard dollar êksport başqarıluına basım yasap, ”Bez 18 il belän säwdäbezne yaxşırtu öçen Yıraq illär strategiyäsen tormışqa aşırdıq” dide.

“Bügen bez Yaña yılnı ğına qarşı almıybız, şulay uq cömhüriyätneñ yaña ğasırına ayaq basaçaq çorğa keräbez” dide Türkiyä ilbaşı Räcäp Tayyip Ärdoğan.