Akar: “Berdänber maqsatıbız terrorçılıq belän köräş”

Milli saqlanu ministrı Akar Türkiyägä qaytır aldınnan yasağan bäyäläwendä Süriyädäge häm töbäktäge wazğıyätneñ tiz arada uñaylı dinamikada buluı, tınıçlıqnıñ häm totrıqlılıqnıñ urnaştırıluı öçen nilär başqarıla alınaçağın söyläşülären äytte.

Türkiyäneñ qaraşların häm bäyäläwlären citkerülären, başqa taraflarnıñ bäyäläwlären tıñlawların belderüçe Akar bolay dip äytte:

"Bezneñ cıyılışta quzğatqan iñ möhim mäs’älälärdän berse terrorçılıq belän köräş buldı. Süriyä häm Ğıyraq belän bergä böten kürşelärebezneñ cir bötenlegen, suverenlıq xoquqların xörmät itüebezgä, berdänber maqsatıbıznıñ terrorçılıq belän köräş buluına, başqa ber maqsatıbıznıñ bulmawına basım yasadıq. Süriyä öçen dä xävef-xätärle “PKK/YPG”, “DEAŞ” kebek terror oyışması äğ’zalären täêsirsez xälgä kiterüne maqsat itüebezne belderdek. İlebezneñ, millätebezneñ häm çiklärebezneñ iminlegen täêmin itü öçen köç quyuıbıznı äyttek. Ayıruça bez başqaraçaq şuşı êşçänlek qısalarında Süriyädän Türkiyägä artıq migraśiyanıñ bulmawı öçen tırışlıq kürsätüebezne telgä aldıq. Süriyä mäs’äläseneñ Berläşkän Millätlär Oyışması İminlek şurasınıñ 2254 nomerlı qararı qısalarında böten törkemnärne çolğap aluçı häm ber böten bularaq xäl itelüeneñ zarurlığına basım yasadıq. Bu mäğ’nädä aldıbızdağı könnärdä başqarılaçaq êşçänlekneñ töbäktä häm Süriyädä tınıçlıq häm totrıqlılıq yulına öleş kertä alaçağın uylıybız."

İñ tiz waqıtta töbäktä tınıçlıqnıñ, xozurnıñ, totrıqlılıqnıñ urnaşuın teläwlären citkerüçe Akar: "Monıñ öçen bügengä qadär yasağanıbız kebek monnan soñ da burıçıbıznı ütärgä däwam itäçäkbez, kiräkle öleşebezne kertäçäkbez,” – dip äytte.

Türkiyä saqlanu ministrı häm küzläw oyışması başlığı Mäskäwdä | TRT Tatarça