"Dön'ya bezneñ keşesez hawa apparatları turında söyläşä"

İlbaşı Räcäp Tayyip Ärdoğan Türkiyäneñ keşesez hawa apparatlarındağı uñışın böten dön’ya söyläşüen belderde. Ul başqala Änkarada Türkiyä fänni häm texnik tikşerenülär oyışması TÜBİTAK häm Fännär akademiyäseneñ büläkläw tantanasında qatnaştı.

Ärdoğan çarada üz çığışında ilneñ saqlanu sänäğatendäge uñışına iğ’tibarnı cälep itte.”Dön’ya bezneñ keşesez hawa apparatlarındağı uñış turında yaza, şaqqatıp küzätep bara. İnde cırlar bağışlanğan Bayraktar TB2 belän başlanğan yulçılıqta başta Akıncı qorallı keşesez hawa apparatı, soñınnan keşesez xärbi oçqıç Qızılalmağa kildek,”-dide ul.    

Ärdoğan saqlanu sänäğatendäge uñışlarnıñ äle başı ğına buluın assızıqlıy. “Tuqtamıybız, yulnı däwam itäbez,”-di lider häm Türkiyäneñ xäzer zamança, alğa kitkän, sıyfat häm san yağınnan dön’ya belän yarışırlıq fän-texnologiyä êkosistemasına iyä buluın xäterlätä.  “Texnoparklarıbızda, fänni-tikşerenü häm konstruktorlıq üzäklärebezdä distälägän meñ proyekt alıp barıla,”-dide ul.  

İlbaşı fän ähellärenä êşçänleklärendä alğa taba da yärdäm iteläçägen belderde.