Türkiyä ênergetika ministrı gaz mäydanınıñ rezervın açıqladı

Dönmäz İlbaşı Räcäp Tayyip Ärdoğan tarafınnan açıqlanğan yaña tabiğıy gaz açışınıñ täfsille neçkäleklärenä qağılışlı matbuğat oçraşuın oyıştırdı.

Mäydanda 50dän kübräk köymä belän tığız êşçänlek başqarıluın añlatuçı Dönmäz anda êşläp çığarılaçaq gaznıñ cir östenä kiterelüe belän bäyläneşle bularaq 3 liniyanıñ salınuınıñ däwam itüen, testlarınıñ ütkärelüen, 170 çaqrımlıq töp tapşıru liniyası, glikol bastıru liniyası häm diñgez töbendäge cihazlarnıñ idaräsen başqaraçaq signal liniyasınıñ tämamlanuın, cir östendä bu gaznı êşkärtäçäk qorılmanıñ da 85%ınıñ tögällänüen belderde.

Dönmäz cir östendäge tabiğıy gaz êşkärtü qorılmasınıñ berençe êtapta könenä 10 million kub metrlıq gaznı êşläp çığaraçağın, ikençe êtap belän bergä monıñ 40 million kub metrğa citkereläçägen añlattı.

Mäydanda 10 qoyınıñ (skvajinanıñ) açıluın xäterlätüçe Dönmäz ikençe êtapta biredä 30dan kübräk östämä qoyı (skvajina) açıp däwam itäçäklären, 2026nçı yılda biredäge qoyı (skvajina) açu êşläreneñ bötenesen dä beteräçäklären citkerde.

Dönmäz: "Berençe açışnı “Tuna-1” qoyısı (skvajinası) belän bergä açıqlağan idek. 2020nçe yılda 405 milliard kub metrlıq açış ide häm 2020nçe yılda diñgezlärdä ütkärelgän dönyanıñ iñ zur açışı bularaq terkälgän ide. 2021nçe yılda “Amasra-1” qoyısı (skvajinası) belän bergä ikençe açışıbıznı yasağan idek. Anda da 135 milliard kub metrlıq rezerv bar. Şulay uq ul waqıtta 2021nçe yılda dönyanıñ iñ zur ikençe açışı bularaq terkälde. Bu räweşle Çaycuma açışı belän bergä tuplam 710 milliard kub metrlıq açışqa ireştek,” – dip äytte.

Urta diñgezdä alıp barılğan tabiğıy gaz êzläw êşçänlegenä dä tuqtalıp uzuçı Dönmäz bu qısada “Abdülhamid Han” borawlaw köymäseneñ “Yörüklär-1” qoyısında (skvajinasında) êşçänlegen tämamlawın häm Märsinneñ Taşucu kiñlegendäge 2nçe mäydanda êşçänlegenä däwam itüen belderde.