Altun: “Türkiyä bügen totrıqlılıq utrawı”
Türkiyä İlbaşı idaräseneñ êlemtä başlığı Fahrettin Altun dönyada bik citdi ênergiya krizisı buluın, Türkiyäneñ isä ênergiya krizisın idarä itkän çaqta ilne ênergiya üzägenä äyländerü öçen dä citdi adımnar yasawın äytte
Fahrettin Altun başqala Änkarada tarix säxifälären çağıldırğan “Qatlawlı yıllar” isemle kürgäzmäneñ açılışın yasadı.
1970nçe yıllarda dönyada yäşängän ênergiya krizisın xäterlätüçe Altun ul yıllarda Türkiyäneñ dä sośial’ häm iq’tisadi bik küp problema belän köräş alıp baruın belderde.
Altun: “1970nçe yıllar dönyada bik awır ênergiya krizisı, neft’ krizisı yäşängän çorlar häm Türkiyä dä ul krizislardan bik tığız räweştä täêsirlängän ide,” – dip äytte.
Bügen dä dönyada bik citdi ênergiya krizisı buluına basım yasawçı Altun: “Fäqät bügenge Türkiyä şuşı ênergiya krizisın idarä itä, xätta Türkiyäne tarixında bulmağan qadär ênergiya üzägenä äyländerü öçen bik möhim adımnar yasıy,” – dip belderde.
2002nçe yıldan soñ Türkiyäneñ säyäsi, ictimağıy häm iq’tisadi bik citdi üzgäreş häm iniśiativa yäşäwen häm bügen dönyadağı krizislarğa qaramastan totrıqlılıq utrawı buluın iskärtep uzuçı Altun: “Türkiyä bügen regional’ tınıçlıqqa häm global’ tınıçlıqqa xezmät itüçe totrıqlılıq köçe,” – dide.
