Akar: “Törek qorallı köçläre - dönyanıñ isäple ğaskärlärennän berse”
Türkiyä Milli saqlanu ministrı Hulusi Akar Törek qorallı köçläreneñ iyä bulğan mömkinlekläre häm sälätläre belän dönyanıñ isäple ğaskärlärennän bersenä äylänüenä basım yasadı
Gaziantäptä şähär tözelüeneñ 101 yıllığı mönäsäbäte belän oyıştırılğan çarada çığış yasawçı Hulusi Akar xalıqara mönäsäbätlärneñ sub’yektına äylängän yoğıntı häm wäqalät mäydanı här uzğan kön kiñäygän Türkiyäneñ dönyada möhim köç buluın belderde.
Türkiyäneñ bigräk tä soñğı waqıtta Rusiyä-Ukraina suğışınıñ tuqtatıluı häm utnı tuqtatunıñ täêmin itelüe öçen aktiv diplomatiyanı alıp baruın citkerüçe ministr Akar Türkiyäneñ dönyağa yanağan azıq-tölek krizisın xäl itügä qağılışlı aşlıq cibärelüeneñ imzalanuına häm ozaytıluına zur öleş kertüen iskärtep uzdı.
Greśiyanıñ här uzğan kön yaña kiyırenkeleklärgä säbäp buluına işarät itüçe Akar, Türkiyäneñ töbäktä tınıçlıq häm totrıqlılıq öçen tırışuın belderep, Greśiyanıñ totrıqsızlıqnı qabızıp cibärüçe totışınıñ buluın äytte.
Akar: “Kiprda, Ägäydä häm Könçığış Urta diñgezdä dialogqa açıq buluı belän bergä hiçber buldı bettegä röxsät itmädek. Monnan soñ da hiç röxsät itmäyäçäkbez. Bez üzebezneñ häm Kipr qardäşlärebezneñ xaq-xoquqların häm mänfäğätlären saqlawda qararlı häm täwäkkälbez,” – dide.
Törek qorallı köçläreneñ iyä bulğan mömkinlekläre häm sälätläre belän dönyanıñ isäple ğaskärlärennän bersenä äylänüenä basım yasawçı Milli saqlanu ministrı: “Qaharman ğaskärebez qayda ğına bulmasın, qurqınıç qaydan ğına kilmäsen ilebezneñ häm zatlı millätebezneñ iminlegen täêmin itüdä qatğıy häm täwäkkälder,” – dip belderde.
