THY Törek hawa yulları Katoviçegä säfär başlata
Törek hawa yulları (THY) Pol’şanıñ industriya şähäre Katoviçegä 2023nçe yılnıñ 3nçe mart könne başlataçaq säfärläre belän oçış çeltären kiñäytergä däwam itä
THY Törek hawa yulları Katoviçe säfäre belän oçqan marşrut sanın 343kä citkeräçäk.
Flagman şirkät Katoviçegä kiläse yılnıñ 3nçe mart könne başlataçaq reysların qışqı grafikta düşämbe, çärşämbe, pänceşämbe, comğa häm şimbä könne atnada 5 tapqır yasayaçaq.
Yulçılar İstanbuldan Katoviçegä böten salımnar belän bergä barıp-qaytu 149 dollardan başlanğan açılışqa maxsus bäyälär belän säyäxät itä alaçaq.
Pol’şanıñ iñ zur şähärlärennän häm ilneñ kümer şaxtaları belän mäşhür Silezya provinśiyasınıñ başqalası bulğan Katoviçe il sänäğäte öçen möhim töbäktä urnaşqan. Tarixi häm tabiğıy maturlıqları belän alğı planğa çıqqan şähär Paraşyut manarası, Zaleze sarayı häm Silezian teatrı kebek miğmari qorılmaları belän dä bik küp cirle häm çit il turistınıñ iğ’tibarın cälep itä.
