Akar: “Bez öç ilneñ sinergiyası öçen, tınıçlıq öçen êşlibez”

Hulusi Akar Türkiyäneñ Kaysäri qalasında 9nçı Türkiyä-Gruziya-Azärbaycan saqlanu ministrları cıyılışınnan soñ Azärbaycan saqlanu ministrı Zakir Xäsänov häm Gruziya saqlanu ministrı Juanşer Burçuladze belän urtaq matbuğat oçraşuın oyıştırdı.

“Bez öç ilneñ sinergiyası öçen, tınıçlıq öçen êşlibez,” – dip äytüçe Akar: “Ärmänstanğa suzılğan tınıçlıq qulınıñ totıluın telibez. Ärmänstan kileşülärne ütäsä, tınıçlıqnıñ häm totrıqlılıqnıñ öleşe bula ala,” – dip äytte.

Akar Greśiyanıñ totrıqsızlılıqnı arttıruçı provokaśion ğamälläre häm süzläre belän êkspanśionist häm agressiv säyäsätlärenä däwam itüenä, här uzğan kön bolarğa yaña provokaśiyälärneñ östälüenä basım yasadı.

Kiprda, Ägäydä häm Könçığış Urta diñgezdä Türkiyäneñ dialogqa açıq buluı belän bergä hiçber buldı bette faktlarına röxsät itmäwen, monnan soñ da röxsät itmäyäçägen iskärtep uzuçı Akar: “Üzebezneñ häm Kipr qardäşlärebezneñ xaq-xoquqların häm mänfäğätlären saqlawda bez qatğıy, täwäkkäl häm şöker moña sälätle,” – dip äytte.

Akar bu mäs’älädä Amerika Quşma Ştatları belän bergä başqa NATO berlektäşläreneñ tarafsız, ob’yektiv, nigezle, mantıyqlı totışların kötülären iskärtep uzdı.

Türkiyäneñ terrorçılıq belän köräşeneñ däwam itüenä dä basım yasawçı Milli saqlanu ministrı: “Berkem dä çiklärebezneñ yanında bulğan terrorçılarğa tüzemle buluıbıznı kötmäsen,” – dide.