Silivri tabiğıy gaz saqlaw qorılmasınıñ açılışı

Türkiyä ênergetika häm tabiğıy çığanaqlar ministrlığınnan yasalğan belderügä kürä, Türkiyä ênergiya belän täêmin itü qurqınıçsızlığı ölkäsendä tağın zur ber investiśiyäne xezmätkä kertä.

Türkiyäneñ 3 milliard 200 million kub metr saqlağıç sıydırışlılığı häm könenä 28 million kub metr citeşterü potenśialı belän berençe cirastı tabiğıy gaz qorılması bulğan BOTAŞka bäyle Silivri tabiğıy gaz saqlağıçınıñ sıydırışlılığınıñ arttırıluına qağılışlı 18 qoyıda (skvajinada) kiñäytü êşçänlege başqarıldı, diñgez östendä 2 platforma salındı.

Bu räweşle 2nçe êtabı xezmätkä kerteläçäk qorılmanıñ sıydırışlılığı 4 milliard 600 million kub metrğa, köndälek kire citeşterüe isä 75 million kub metrğa citkerelde. Zur qorılma bu räweşle Türkiyäneñ ber yıllıq tabiğıy gaz ixtıyacınıñ yaqınça 8%ın qanäğätländerä alaçaq wazğıyättä.

Könenä kire citeşterü köçe belän iñ salqın qış könnärendä ixtıyacnıñ dürttä berse şuşı qorılmadan täêmin itelä alınaçaq.

Qorılmanıñ êlektr ixtıyacı 4,2 megawat küät köçenä iyä cil turbinası belän qanäğätländereläçäk.

Yaña köç potenśialı belän xezmät biräçäk zur qorılma 16nçı dekabr’dä ütkäreläçäk tantana belän İlbaşı Ärdoğan tarafınnan açılaçaq.

Şul uq waqıtta Toz küle cirastı tabiğıy gaz saqlaw qorılmasında da kiñäytü êşçänlege däwam itä. Xäzerge waqıtta 1 milliard 200 million kub metr bulğan saqlağıçnıñ potenśialı da 5 milliard 400 million kub metrğa citkereläçäk. Êşçänlekneñ 2 yıl êçendä tämamlanuı küzdä totıla.

Bu qorılmanıñ da xezmätkä kertelüe belän Türkiyäneñ tabiğıy gaz saqlağıçı potenśialı 10 milliard kub metrğa citäçäk.