"Türkiyä regional’ krizislar häm global’ konfliktlarnı çişüdä üz öleşen kertä"

İstanbulda uzuçı 6 nçı TRT World Forumında çığış yasağan ilbaşı idaräseneñ êlemtä bülege başlığı Fäxrettin Altun Türkiyäneñ ilbaşı Räcäp Tayyip Ärdoğan räislegendä regional’ krizislar häm global’ konfliktlarnı çişüdä üz öleşen kertüen misallar belän añlattı.

”Bez üzebezneñ töbäktän başlap dön’yanıñ barlıq poçmaqlarına demokratiya, üseş, tınıçlıq alıp kilergä telibez”,- dide Fäxrettin Altun.

Ul Türkiyäneñ xäzerge çorda böten dön’yağa ürnäk bulırlıq unikal’ tışqı säyäsät modelen täq’dim itüen belderde.

“Regional’ häm global’ aktyerğa äylängän Türkiyä törle bloklarnı totaştıruçı küper genä tügel, şul uq waqıtta dialog, söyläşülär häm diplomatiya ağımı bulğan kanal”,- dide Altun.

Altun Türkiyäneñ Rusiya - Ukraina suğışında diplomatik uñışqa ireşüen belderep bolay dide: “Yaqınça 10 ay däwam itkän Rusiya - Ukraina suğışında bez kürsätkän tınıçlıq diplomatiyäse böten dön’yanıñ Türkiyäne “totrıqlılandıruçı” häm global’ tınıçlıqqa öleş kertüçe köç bularaq qabul itüen kürsätte. Şveśiya häm Finlyandiyanıñ NATOğa äğ’zalıq möräcäğät’läre barışında Türkiyä quyğan tırışlıq global’ terrorçılıqqa qarşı köräştä möhim uñışlarğa kiterde”.

Türkiyä ilbaşı idaräseneñ êlemtä bülege başlığı Fäxrettin Altun global’ qotıplaşunı kisätüneñ möhimlegenä basım yasadı häm yaña salqın suğışlarnıñ totqarlaw kiräklegen dä äytte.