Serbiya İlbaşı: “Türkiyä - Könbatış Balkandağı tınıçlıqnı häm totrıqlılıqnı saqlawçı urtağıbız”

Vuçiç Qara diñgez iq’tisadi xezmättäşlek parlamentariylär assambleyasınıñ çirattağı räislege Türkiyägä tapşırılğan 60nçı Ğomum şura cıyılışında qatnaşu öçen Belgradqa kitkän Türkiyä Böyık Millät Mäclese başlığı Mostafa Şäntopnı qabul itte.

Vuçiç Şäntop belän uzdırğan söyläşüdän soñ sośial’ media akkauntınnan urtaqlaşqan yazmasında: "Qıymmätle qunağıbız, Törkiyä Böyık Millät Mäclese başlığı Mostafa Şäntop belän qabat oçraşuıma min bik şat. Bu oçraşudan faydalanıp qıymmätle dustım Räcäp Tayyip Ärdoğanğa sälamnäremne citkerdem”, - dip äytte.

Şäntop belän ike il arasındağı mönäsäbätlärgä tuqtalıp uzuların belderüçe Vuçiç iq’tisad xezmättäşlegen, ênergetika qurqınıçsızlığın, ilendäge törek investiśiyälären häm regional’ mäs’älälärne söyläşülären dä citkerde.

Türkiyäneñ töbäktä zur rol’gä iyä buluına basım yasawçı Vuçiç: "Serbiya Türkiyäne Könbatış Balkanda tınıçlıqnı häm totrıqlılıqnı saqlawçı, barı tik Serbiyada ğına tügel, böten töbäk illärendäge watandaşlarnıñ ğomum iminlegenä öleş kertüçe, asqorma häm ênergetika ölkäsendäge proyıktlarnıñ tormışqa aşırıluına bulışlıq itüçe urtağı, partnyorı bularaq kürä”, - dip belderde.