İlbaşı Ärdoğan “TRT World Forum”da çığış yasadı

İstanbulda “TRT World Forum 2022”neñ açılışında çığış yasawçı İlbaşı Ärdoğan bıyılğı forumnıñ yaña tör koronavirus kizüe arqasında bulmasın, Rusiyä-Ukraina suğışı säbäbe belän bulmasın, global’ däräcädä kiyırenkelek artqan çorda ütkärelüenä iğ’tibarnı yünältte.

Rusiyä-Ukraina suğışınıñ yul açqan awır can yuğaltuları belän bergä töbäk häm dönya öçen bik citdi humanitar, iq’tisadi häm säyäsi çığımnarnı täşkil itüen iskärtep uzuçı Ärdoğan tınıçlıq buluı öçen tığız diplomatiya xäräkäten alıp baruların, Ukrainanıñ cir bötenlegen köçle räweştä yaqlağan çaqta Rusiyägä qarşı aqılğa sıymaslıq säyäsätlär belän töbäktäge utnıñ artuına da qarşı çığuların añlattı.

Suğış arqasında Ukrainadan häm Rusiyädän aşlıq belän bergä kritik êşlänmälärne cibärüneñ tuqtatıluınıñ Awrupadan Afrikağa böten illärgä täêsir itkän global’ külämdä azıq-tölek krizisına säbäp buluına basım yasawçı Ärdoğan krizisnı çişü maqsatınnan çığıp yäkşämbe könne Putin häm Zelenskiy belän söyläşäçägen belderde.

Däwlät başlığı:

"Ägäydä häm Urta diñgezdä Greśiyanı bersüzsez yaqlap, provakaśion kereşülären xuplawçılarğa da yarıy dip äytmädek, äytmäyäçäkbez. Bez NATOda bergä, ämma kilep Greśiyanıñ utrawların qoral belän cihazlandırasız, bez äle dä “F-16” mäs’äläsen aqçasın tülägän bulsaq ta sezneñ belän çişä almadıq”, - dip äytte.

Türkiyäneñ köräş alıp barğan terror oyışmalarına yäşeren häm açıqtan-açıq yärdäm kürsätüçe Awrupa belän urtaq kiläçäkne xıyal itüneñ awır buluın iskärtep uzuçı Ärdoğan:

"Bez yasağan şul qadär fidaqärlegebezgä qaramastan berlegebezgä yanawçı terror oyışmaları belän köräşebezdä yalğız qalğanıbıznı hiç onıtmayaçaqbız. Meñnärçä yök maşinası belän qoral, xärbi kiräk-yaraqlar Süriyäneñ tön’yağındağı terror oyışmalarına cibärelde. Cibärgän il bezneñ belän NATOda bergä bulğan il. Bez terrorçılar belän alıp barğan köräştä bezdän berkem dä xisap sorıy almıy. Bez çik buylarıbıznıñ iminlege öçen başlatqan xäräkätlärne alıp baraçaq qatğıylıqqa iyä buluıbıznı härkemgä kürsättek”, - dip äytte.