Finlyandiya ministrı: “Türkiyäneñ iminlek borçıluların añlıybız”
Finlyandiya saqlanu ministrı Antti Kaikkonen Türkiyäneñ iminlek borçıluların añlawların häm terrorçılıq belän köräştä täwäkkäl buluların äytte
Ministr Kaikkonen räsmi säfär qısalarında kilgän başqala Änkarada “Anadolu” agentlığına yasağan belderüendä Türkiyä Milli saqlanu ministrı Hulusi Akar belän ütkärgän söyläşü waqıtında Awrupadağı xäzerge wazğıyätne bäyäläwlären belderde.
Häm ministr Akarnıñ häm dä üzeneñ Ukrainadağı wazğıyättän borçıluların citkerüçe Kaikkonen: "Qızğanıç, bu faciğale suğışnıñ tiz azağı yuq kebek kürenä, läkin tınıçlıq niqadär irtäräk kilsä, şul çaqlı yaxşıraq bulır”, - dip ışanuların belderde.
Kaikkonen, Akar belän Finlyandiya häm Şveśiyanıñ NATOğa äğ’zalek möräcäğäten häm Türkiyä belän şuşı illär arasında Madridta imzalanğan öç yaqlı memorandumnı da quzğatuların citkerep, söyläşüneñ konstruktiv häm yaxşı atmosferada uzuın äytte.
Türkiyäneñ iminlek borçıluların çınnan da añlawların iskärtep uzuçı Kaikkonen: "Türkiyä Finlyandiyanıñ terrorçılıqqa qarşı köräştä qatğıy buluına ışana ala. Monda hiç şöbxä yuq”, - dip bäyäläw yasadı.
Ministr Kaikkonen ileneñ NATOğa äğ’za bulğan oçraqta Rusiyäne tıyıp qalu maqsatınnan çığıp ittifaqnıñ xärbi köçläreneñ häm taktik atom qorallarınıñ Finlyandiyada urnaşuına röxsät biräçäkme, yuqmı turındağı sorawğa: "Atom-töş qoralları belän bäyle mondıy bäxäslärgä bez açıq häm bolarnıñ bezneñ cirlärebezdä buluı kebek xosusıy qızıqsınuıbız yuq. NATO atom-töş qoralların Finlyandiyağa cibärmi. Min moña bik ışanam”, - dip cawap birde.
