Dön'yadağı iñ köçle törek xatın-qızı

Türkiyäneñ “Sabancı” xoldingı idaräse räise Gülär Sabancı “Dön’yadağı iñ köçle 100 xatın-qız” isemlegenä kergän berdänber törek xanımı buldı. Ul 81nçe urında.  

Älege isemlekne dön’yadağı iñ abruylı jurnallardan berse “Forbes” yıl sayın äzerli. Anda berençe urında Awrupa komissiyäse räise Ursula fon der Layen tora. Awrupa üzäk bankı citäkçese Kristin Lagard - ikençe. Öçençe urında isä AQŞ ilbaşı kiñäşçese Kamala Xarris.

Jurnalnıñ internet säxifäsendäge açıqlawda isä Gülär Sabancınıñ Sabancı waqıfı häm Sabancı universitetında popeçitel’lär şurası räise buluı xäterlätelä. Şulay uq, anıñ Awrupa sänäğat’ tügäräk östäleneñ berençe xatın-qız äğ’zası ikäne dä assızıqlana. Monnan tış, Gülär Sabancınıñ Massaçusets texnologik institutı ênergetika iniśiativasınıñ çit il kiñäşläşü şurasında urın aluın da äytep ütärgä kiräk.