Törek ğalime Antarktikada yaña mük törläre açtı

Antarktikada fânni tikşerenülär uzdıruçı berençe törek êkspediśiyäsendä qatnaşqan professor, Ärciyäs universitetı biologiyä kafedrası uqıtuçısı Gökxan Xalıcı 10 mük tören açıp fängä öleş kertte.

Törkem suıq qıytğağa 2016nçı yılnıñ 28nçe dekabrendä yul totqan ide.  Professor anda Ukraina, Çexiyä häm Türkiyä bazalarında qalıp 200 törgä qarawçı 800 ürnäk alıp qayta. Müklär belän bäyle tikşerenüen ul Türkiyädä däwam itä.

Xalıcı müklärneñ Antarktikada cir öste üsemlek qaplamınıñ iñ dominant organizmnarınnan berse buluın assızıqlıy. Alar yaqınça 500 tiräse mük ürnäge belän êşli.

“Soñğı 6 yılda ütkärgän êşçänlek belän fän dön’yası öçen yaña, moña qadär dön’yanıñ ber genä cirendä dä açıqlanmağan 10 yaña törne anda taptıq häm atadıq. Monnan tış, başqa qıytğalarda bulğan, tik Antarktikada da buluı älegä qadär bilgesez qalğan 25-30 tiräse törne açıqladıq,”-dip söyli professor.