Milli İminlek şurası beldergese

İlbaşı Räcäp Tayyip Ärdoğan räislegendä İlbaşı qolliyätendä ütkärelgän Milli İminlek şurası cıyılışınnan soñ belderge bastırıldı.

Beldergedä cıyılışta “PKK/KCK”, “PYD/YPG”, “FETÖ” häm “DEAŞ” terror oyışmaları belän ber rättän milli berlekkä, berdämlekkä häm bergälek belän yäşäwgä yünälgän härtörle qurqınıçlıqqa häm yanawğa qarşı il külämendä häm çit ildä ğayrätlelek, täwäkkällek belän uñışlı räweştä başqarılğan operaśiyälär xaqında Şurağa mäğ’lümat birelüe häm östämä çaralar turında söyläşelüe äytelde.

Türkiyäneñ kön’yaq çik buylarında oyıştırılğan operaśiyälärneñ berdänber maqsatınıñ terror oyışmaları buluı citkerelgän beldergedä bolay dip iskärtelep uzıldı:

"Böyık millätebezneñ häm tiñsez, unikal’ ilebezneñ saqlanuın häm iminlegen täêmin itü maqsatınnan çığıp BMO Şartnamäseneñ 51nçe mäddäse qısalarında kön’yaq çik buylarıbızda başqarılğan operaśiyälärneñ berdänber maqsatınıñ terror oyışmaları buluına, töbägebezdä çiklärebezne, şähärlärebezne, watandaşlarıbıznı häm iminlek köçlärebezne nişan itep alğan hiçber terror oyışmasınıñ bar buluına häm êşçänlegenä röxsät itelmäyäçägenä, monıñ öçen kiräkle här adımnıñ qatğıylıq belän yasalaçağına basım yasaldı."

Türkiyäneñ kileşü yaqlı häm êçkersez totışı belän çişeleş yünäleşle dialog täq’dimnärenä iğ’tibarsız qalğan Greśiyadan xärbi statusta bulmağan utrawlarnıñ qorallandırıluı belän bergä xalıqara xoquqnı häm kileşülärne bozğan êşçänlegen iñ tiz waqıtta beterüeneñ kötelüenä dä basım yasalğan beldergedä törki dönyanıñ ayrılğısız öleşe bulğan Kipr törekläreneñ xaqlı däğwasına qarata yaqlawnıñ qatğıylıq belän däwam iteläçäge häm başqa xalıqara oyışmalar belän illärneñ dä oxşaş adımnarnı yasawı zarurlığı citkerelde.