Çit ildä tağın ber törek xastaxanäse açıldı

Liviyanıñ Misrata şähärendä törek iniśiatorlar tözetkän berençe törek xastaxanäse açıldı. Anda êşläwçelär dä, başlıça, törek tabibları bulaçaq.  

Libyan Turkish Hospitalt diagnostika häm däwalawdağı zamança texnologik mömkinlekläre belän ayırılıp tora.

120 urınlı xastaxanädä 13 poliklinika häm 4 operaśiyä bülmäse, tulısınça cihazlandırılğan aşığıç yärdäm xezmäte bar.

Xastaxanäneñ berençe êtapta yöräk-qan tamırları xirurgiyäse, kardiologiyä, ortopediya häm travmatologiya, neyroxirurgiyä, ğomumi xirurgiyä, akuşerlıq, êçke mediśina, pediatriyä, yoğışlı awırular, anesteziya häm reanimaśiya, otolaringologiya, radiologiya, tuqlanu häm diyeta, aşığıç yärdäm tarmaqlarında xezmät kürsätüe kötelä.