Çavuşoğlu: "İñ zur säwdä ağımı Aziya belän Awrupa arasında"
Türkiyä Tışqı êşlär ministrı Mäwlüt Çavuşoğlu qıytğalarara iñ zur säwdä ağımınıñ Aziya belän Awrupa arasında buluın belderde
Ministr Çavuşoğlu "Türkiyä-Qazaqstan-Azärbaycan transport häm tışqı êşlär ministrlarınıñ öç yaqlı cıyılışı”nıñ açılışında çığış yasadı.
Çavuşoğlu cıyılışta Gruziyanıñ da qatnaşuına häm bu wazğıyätneñ regional’ xezmättäşlek vizionın nığıtuına işarät itte.
Soñğı çorda öç täräqqıyätneñ geopolitikanı kire qaytaruın belderüçe Çavuşoğlu iñ êlek täêmin itü çeltärendäge aqsawnıñ daimi transport bäyläneşläreneñ möhimlegen kürsätüenä, monnan arı täêmin itü qurqınıçsızlığınıñ iñ ähämiyätle köndäşlek êlementı buluına basım yasap:
"İkençedän, Rusiyä-Ukraina suğışı global’ azıq-tölek häm ênergiya krizisına yul açtı. İstanbul aşlıq kileşüe aldınnan global’ azıq-tölek krizisı yaqınlaşqan ide. Öçençedän, Amerika Quşma Ştatları-Qıtay kiyırenkelege arta bara. Dön’yanıñ iñ zur ike iq’tisadınıñ ayırmasın qaplaw mexanizmnarına ixtıyac buluı mäğ’lüm”, - dip äytte.
Çavuşoğlu, barlıqqa kilgän bu sınawlarnıñ forsatlarnı da üze belän bergä alıp kilüenä iğ’tibarnı yünältep, Azärbaycannıñ yaw astındağı cirlärneñ azat itelüeneñ daimi täêmin itü qurqınıçsızlığı cähätennän yaña mömkinleklär täq’dim itüen belderde.
Ênergiyädä çığanaq häm yünäleş törleländerelüeneñ möhim ixtıyacğa äylänüen iskärtep uzuçı Çavuşoğlu Xäzär-Kaspiy gazınıñ Awrupağa citkerelüendä Azärbaycan belän xezmättäşlek urnaştıruların, Baqı-Tbilisi-Cäyhan belän Xäzär-Kaspiy mäydanınnan 16 yıl buyı Azärbaycan, Qazaqstan häm Törekmänstan nefteneñ qudırıluın añlattı.
Mäwlüt Çavuşoğlu, qıytğalarara iñ zur säwdä ağımınıñ da Aziya belän Awrupa arasında buluın belderep:
"Urta koridorda 2022nçe yılda taşılğan yök külämeneñ 2021nçe yıldağısınnan 6 tapqır kübräk buluı kötelä. Bu forsattan faydalanu öçen transport häm säwdä aldındağı kirtälärne beterergä tiyışbez”, - dide.
