Türkiyäneñ Qazaqstandağı saylaw turındağı belderüe
Türkiyä Qazaqstanda ütkärelgän waqıtınnan êlek ilbaşı saylawınıñ xozur êçendä tämamlanuınıñ qanäğätländererlek buluın belderde.
Türkiyä Tışqı êşlär ministrlığınnan yasalğan belderüdä: "Qazaqstan Cömhüriyätendä 2022nçe yılnıñ 20nçe noyabr könne uzdırılğan waqıtınnan êlek ilbaşı saylawınıñ xozur êçendä tämamlanuınnan bez bik qanäğät”, - dip äytelde.
Türkiyäneñ tirän tamırlı tarixi bağlanışlarğa häm bik yaqın mönäsäbätlärgä iyä bulğan Qazaqstannıñ iminlegenä häm totrıqlılığına bik zur ähämiyät birüenä basım yasalğan belderüdä saylaw näticäläreneñ dus häm qardäş qazaq xalqı öçen xäyırle buluı teläge citkerelde.
Şul arada Qazaqstan saylaw komissiyasınıñ berençe näticälärenä kürä, waqıtınnan êlek ilbaşı saylawın tawışlarnıñ 81,31%ın alğan Qasıym Cumart Toqayıv yañadan ciñde.
İldä yaqınça 12 million saylawçı 7 yıl buyı wazıyfasın başqaraçaq Däwlät başlığın saylaw öçen kiçä saylaw bülekçälärenä kitkän ide.
Saylawnıñ tögäyın näticäläreneñ 27nçe noyabr’dä açıqlanuı kötelä.
