Türkiyäneñ çik buyındağı şähärlärdä iminlek çaraları
Süriyäneñ tön’yağınnan Gaziantäpkä häm Kiliskä ber-ber artlı yasalğan raketa höcümnärennän soñ çik buyında iminlek çaraları arttırıldı
“PKK/YPG” separatist terror oyışması küzätüendäge Täl Rıfat töbägennän kiçä kiçen atılğan raketa Öncüpınar çik buyı qapqası yanındağı poliśiya maxsus xäräkät şähärçegenä turı kilde.
Şartlaw näticäsendä 1 ğaskäri belän 7 poliśiya xezmätkäre yaralandı.
Kilis däwlät xastaxanäsenä salınğan yaralanuçılarnıñ sälamätlek torışlarınıñ yaxşı buluı citkerelde.
Gaziantäpneñ Karkamış ilçäsenä dä tönlä Süriyäneñ Ayn Äl Arap töbägennän 4 raketa ırğıtıldı.
Buş cir mäydanına kilep töşkän raketalarnıñ şartlawı rayonda kiyırenkelekkä säbäp buldı.
Gaziantäp belän Kiliskä oyıştırılğan raketa höcümnärennän soñ çik buyı sızığında iminlek çaraları arttırıldı.
İminlek köçläre uyaw torışqa kiterelde, qurqınıçsızlıq çaraları iñ yuğarı däräcägä citkerelde.
Höcümnärdän soñ Täl Rıfat häm Ayn Äl Arap töbägendäge terrorçılarğa qarağan nığıtmalar çik buyı xärbi berlekläre tarafınnan ut astına alındı.
Keşesez hawa apparatları tarafınnan bilgelängän terror maqsatları gaubiśalar häm küp köpşäle raketa caylanmaları belän yuq itelde.
